நேற்றைய ஐபிஎல் போட்டியில் புள்ளிப் பட்டியலில் கீழே இருக்கும் இரு அணிகளான கொல்கத்தா நைட் ரைடர்ஸும், சன் ரைசர்ஸ் ஐதராபாத் அணிகளும் மோதின. இந்த போட்டியில் முதலில் பேட் செய்த ஐதராபாத் அணி 9 விக்கெட் இழப்புக்கு 171 ரன்கள் சேர்த்தது. ஐதராபாத் அணியில் நடராஜன் உள்ளிட்ட பவுலர்கள் சிறப்பாக பந்துவீசினர். கொல்கத்தா அணியின் பேட்டிங்கில் கேப்டன் ராணாவும் ரிங்கு சிங்கும் இணைந்து 61 ரன்கள் எடுத்ததன் மூலம் அணி 9 விக்கெட்டுக்கு 171 ரன்கள் சேர்த்தது. ரிங்கு சிங் அதிகபட்சமாக 46 ரன்கள் சேர்த்தார்.
பின்னர் களமிறங்கிய ஐதராபாத் அணி 20 ஓவர்களில் 8 விக்கெட்களை இழந்து 166 ரன்கள் மட்டுமே சேர்த்தது. இதன் மூலம் 5 ரன்கள் வித்தியாசத்தில் தங்கள் ஏழாவது தோல்வியைப் பதிவு செய்தது. கொல்கத்தா அணியின் பந்து வீச்சில் குறிப்பாக ஷர்துல் தாக்கூர் (2/23) மற்றும் வைபவ் அரோரா (2/32) ஆகியோர் சிறப்பாக பந்துவீசி அசத்தினர்.
வருண் சக்கரவர்த்தி 20-வது ஓவரை சிறப்பாக பந்துவீசி தனது அணிக்கு வெற்றியை தேடித்தந்தார். கடைசி ஓவர் 9 ரன்கள் மட்டுமே தேவைப்பட்ட நிலையில் வெறும் 3 ரன்களே கொடுத்து சிறப்பான பந்துவீச்சை வெளிப்படுத்தினார். அவர் நான்கு ஓவர்கள் வீசி 20 ரன்கள் மட்டுமே கொடுத்து 1 விக்கெட்டைக் கைப்பற்றி ஆட்டநாயகன் விருதைப் பெற்றார்.
இந்த போட்டியில் ஐதராபாத் அணி ஒரு கட்டத்தில் நல்ல ஸ்கோரோடு வெற்றி பெறும் நிலையில்தான் இருந்தது. அந்த அணிக்கு கடைசி 5 ஓவர்களில் 38 ரன்கள் மட்டுமே தேவைப்பட்டது. ஆனால் சொதப்பலான பேட்டிங் காரணமாக 33 ரன்களை மட்டுமே சேர்க்க முடிந்தது. தொடர்ந்து பவுலிங்கில் அசத்தின் எஸ் ஆர் ஹெச், பேட்டிங்கில் கோட்டைவிட்டு போட்டிகளை இழக்கிறது என்பது குறிப்பிடத்தக்கது.