நேற்றைய ஐபிஎல் போட்டியில் புள்ளிப் பட்டியலில் கீழே இருக்கும் இரு அணிகளான கொல்கத்தா நைட் ரைடர்ஸும், சன் ரைசர்ஸ் ஐதராபாத் அணிகளும் மோதின. இந்த போட்டியில் முதலில் பேட் செய்த ஐதராபாத் அணி 9 விக்கெட் இழப்புக்கு 171 ரன்கள் சேர்த்தது. ஐதராபாத் அணியில் நடராஜன் உள்ளிட்ட பவுலர்கள் சிறப்பாக பந்துவீசினர். கொல்கத்தா அணியின் பேட்டிங்கில் கேப்டன் ராணாவும் ரிங்கு சிங்கும் இணைந்து 61 ரன்கள் எடுத்ததன் மூலம் அணி 9 விக்கெட்டுக்கு 171 ரன்கள் சேர்த்தது. ரிங்கு சிங் அதிகபட்சமாக 46 ரன்கள் சேர்த்தார்.
பின்னர் களமிறங்கிய ஐதராபாத் அணி 20 ஓவர்களில் 8 விக்கெட்களை இழந்து 166 ரன்கள் மட்டுமே சேர்த்தது. இதன் மூலம் 5 ரன்கள் வித்தியாசத்தில் தங்கள் ஏழாவது தோல்வியைப் பதிவு செய்தது. கொல்கத்தா அணியின் பந்து வீச்சில் குறிப்பாக ஷர்துல் தாக்கூர் (2/23) மற்றும் வைபவ் அரோரா (2/32) மற்றும் வருண் சக்ரவர்த்தி (1/20) ஆகியோர் சிறப்பாக பந்துவீசி அசத்தினர்.
வருண் சக்கரவர்த்தி 20-வது ஓவரை சிறப்பாக பந்துவீசி தனது அணிக்கு வெற்றியை தேடித்தந்தார். கடைசி ஓவர் 9 ரன்கள் மட்டுமே தேவைப்பட்ட நிலையில் வெறும் 3 ரன்களே கொடுத்து சிறப்பான பந்துவீச்சை வெளிப்படுத்தினார்.
ஆட்டநாயகன் விருதைப் பெற்ற பின்னர் பேசிய வருண் சக்ரவர்த்தி இதயத்துடிப்பு எகிறிவிட்டதாக கூறியுள்ளார். மேலும் அவர் “கடைசி ஓவரில் என் இதயத் துடிப்பு 200-ஐத் தொட்டது. அவர்களை மைதானத்தின் நீண்ட பகுதியை நோக்கி அடிக்க வேண்டும் என்று நான் திட்டமிட்டுக் கொண்டேன். பந்து நிறைய நழுவியது. மைதானத்தின் நீண்ட பக்கமே எனது ஒரே நம்பிக்கை.
எனது முதல் ஓவரில் நான் 12 ரன்கள் கொடுத்தேன். மார்க்ரம் எனது பந்துக்ளில் 2 பவுண்டரிகள் அடித்தார். கடந்த ஆண்டு நான் மணிக்கு 85 கிமீ வேகத்தில் பந்துவீசினேன். நான் பல விஷயங்களை முயற்சித்தேன். எனது சுழல்களில் நான் பணியாற்ற வேண்டும் என்பதை உணர்ந்தேன். அதில் வேலை செய்தேன்.” எனக் கூறியுள்ளார்.