ஆதார் ஷீலா திட்டத்தின் கீழ், தினமும் 87 ரூபாய் முதலீடு செய்தாலே போதும். முதிர்வுத் தொகையாக இறுதியில் ரூ.11 லட்சம் வரை கிடைக்கும். 15 வருட பாலிசி காலத்தை தேர்வு செய்தால் ரூ.2 லட்சம் முதல் ரூ.5 லட்சம் வரை காப்பீட்டு தொகை இருக்கும். பாலிசி காலத்தை முழுமையாக நிறைவு செய்தால், முதிர்வுத்தொகை வழங்கப்படும். இந்த பாலிசியை வைத்து வருமான வரி பலன்கள் மற்றும் 90% வரை கடனாகவும் பெற முடியும்.
எல்ஐசி ஆதார் ஷீலா திட்டத்தில் 8 வயது முதல் 55 வயது வரை உள்ள பெண்கள் இணையலாம். 10 முதல் 20 வருடங்களுக்கு பாலிசி எடுக்கலாம். இதற்கு ஆதார் அட்டை, வாக்காளர் அட்டை, பாஸ்போர்ட், ஓட்டுநர் உரிமம், மின்சாரக் கட்டணம், வருமான வரி அறிக்கை, ரேஷன் கார்டு போன்ற ஆவணங்களை சமர்பிக்க வேண்டும்.
கன்யாதான் திட்டத்தின் கீழ் தினமும் 75 ரூபாய் மட்டும் முதலீடு செய்தால் போதும். முதிர்வு தொகையாக இறுதியில் ரூ.14 லட்சம் கிடைக்கும். இத்திட்டத்தின் வாயிலாக குறைந்தபட்சம் ரூ.1 லட்சம் காப்பீடு பெறலாம். முதலீட்டுக்கு உச்சவரம்பு இல்லை. அத்துடன் இத்திட்டத்திற்கு பெண் குழந்தையின் தந்தை குறைந்தபட்சம் 18 வயது மற்றும் 50 வயதுக்கு உட்பட்டவராகவும் இருக்க வேண்டும். பெண் குழந்தை குறைந்தபட்சமாக ஒரு வயதைப் நிறைவு செய்திருக்க வேண்டும்.
கன்யாதான் திட்டத்தில் 13 முதல் 25 ஆண்டுகள் பாலிசி காலம். இத்திட்டத்தில் மாதாந்திர, காலாண்டு, அரையாண்டு மற்றும் வருடாந்திர அடிப்படையில் பிரீமியம் செலுத்தும் வசதிகளும் உண்டு. காப்பீடு செய்த பின் பெற்றோர் விபத்தில் மரணம் அடைந்தால் உடனடியாக ரூ.10 லட்சம் வழங்கப்படும். இயற்கை மரணம் என்றால், உடனடியாக ரூ.5 லட்சம் வழங்கப்படும். மேலும், பாலிசி காலத்தின் போது தந்தை இறந்துவிட்டால், மீதமுள்ள காலத்திற்கு குழந்தை பிரீமியம் செலுத்த வேண்டியதில்லை. பிரீமியம் தள்ளுபடி செய்யப்படும் என்பது குறிப்பிடத்தக்கது.