அரியலூர் மாவட்டம் மீன்சுருட்டி அருகே கங்கை கொண்ட சோழபுரம் கோவில் உள்ளது. சுமார் ஆயிரம் ஆண்டுகளுக்கு முன்பு கங்கை கொண்ட சோழபுரத்தை தலைமையிடமாக கொண்டு மாமன்னர் ராஜேந்திர சோழன் ஆட்சி புரிந்தார்.
ராஜேந்திர சோழனின் பிறந்தநாளை முன்னிட்டு, ஆண்டுதோறும் ஆடி தமிழ் மாதம் ஆடி திருவாதிரை விழா கோலாகலமாக கொண்டாடப்படுவது வழக்கம்.
அரியலூர் மாவட்டத்தில் உள்ள பிரசித்தி பெற்ற கங்கை கொண்ட சோழபுரம் கோவிலில், மாமன்னன் ராஜேந்திர சோழனின் பிறந்த நாளை முன்னிட்டு ஒவ்வொரு ஆண்டும் ஆடி தமிழ் மாதம் திருவாதிரை தினம் சிறப்பாக கொண்டாடப்பட்டு வருகிறது.
அந்த வகையில் மாமன்னா் ராஜேந்திர சோழன் பிறந்த நாளான ஆடி திருவாதிரை விழாவை வரும் ஆகஸ்ட் 2ம் தேதி விமர்சையாக கொண்டாடப்பட உள்ளது. இதனை முன்னிட்டு இந்த நாளன்று உள்ளூர் விடுமுறை அறிவித்து மாவட்ட ஆட்சியா் ரத்தினசாமி உத்தரவிட்டுள்ளார்.
அரியலூா் மாவட்டம், கங்கைகொண்ட சோழபுரம் பெருவுடையாா் கோவிலில், மாமன்னா் ராஜேந்திர சோழன் பிறந்த நாளான ஆடி திருவாதிரை விழா ஆண்டுதோறும் தமிழக அரசால் கொண்டாடப்பட்டு வருகிறது.
அதன்படி நிகழாண்டு ஆகஸ்ட் 2ம் தேதி ஆடி திருவாதிரை விழாவை முன்னிட்டு, அரியலூா் மாவட்டத்திலுள்ள அனைத்து அரசு அலுவலகங்கள், தனியாா் கல்வி நிறுவனங்களுக்கு உள்ளூர் விடுமுறை அறிவித்து மாவட்ட ஆட்சியர் உத்தரவிட்டுள்ளார். மேலும் இந்த விடுமுறை நாளை ஈடுசெய்யும் பொருட்டு, ஆகஸ்ட் 17 ம் தேதி (சனிக்கிழமை) முழுவேலை நாளாக செயல்படும் என அறிவிக்கப்பட்டுள்ளது.