10 நாள்கள் கூட இல்ல.. ஆதார் கார்டை இலவசமா அப்டேட் செய்வது எப்படி?
Aadhaar card free online update : ஆதார் என்பது இந்திய குடியிருப்பாளர்களுக்கு அவர்களின் பயோமெட்ரிக் மற்றும் மக்கள்தொகைத் தகவல்களின் அடிப்படையில் ஒதுக்கப்படும் 12 இலக்க தனித்துவ அடையாள எண்ணாகும். இந்த அமைப்பு நகல் மற்றும் போலி அடையாளங்களைத் தடுக்க உதவுகிறது. மேலும், ஒவ்வொரு நபருக்கும் அவர்களின் பயோமெட்ரிக்ஸுடன் இணைக்கப்பட்ட தனிப்பட்ட எண் இருப்பதை உறுதி செய்கிறது. யுஐடிஏஐ அனைத்து ஆதார் வைத்திருப்பவர்களையும், கடந்த 10 ஆண்டுகளில் புதுப்பிக்கப்படாமல் இருந்தால், அவர்களின் தகவல்களைப் புதுப்பிக்கும்படி அறிவித்துள்ளது.
ஆதார் இலவச புதுப்பிப்பு: இலவச ஆதார் புதுப்பிப்புகளுக்கான காலக்கெடுவை யுஐடிஏஐ (UIDAI) அறிவித்துள்ளது. அப்டேட் செய்யாதவர்கள் கட்டணங்கள் கட்ட நேரிடலாம் என்பதால் ஆதார் அப்டேட்டை உறுதிப்படுத்திக்கொள்ளவும். ஆதார் விவரங்களை புதுப்பிதற்கான நேரம் இதுதான். இந்திய தனித்துவ அடையாள ஆணையம் (UIDAI) இலவச ஆதார் அப்டேட்டுகளுக்கான காலக்கெடுவை நிர்ணயித்துள்ளது. அதன்படி, ஜூன் 14, 2024 வரை அடையாளச் சான்று மற்றும் முகவரிச் சான்று ஆகியவற்றை இலவசமாகப் புதுப்பிக்கலாம். இந்த தேதிக்குப் பிறகு, அப்டேட் செய்ய கட்டணங்கள் விதிக்கப்படும். குறிப்பிட்ட கால்கெடுவிற்குள் அப்டேட் செய்ய தவறியவர்கள் பின்னர் புதுப்பிக்க தேவையான ஆவணங்களை ஆன்லைனில் அல்லது நேரில் பதிவேற்றம் செய்ய ரூ.50 செலுத்த வேண்டும். ஆதார் என்பது இந்திய குடியிருப்பாளர்களுக்கு அவர்களின் பயோமெட்ரிக் மற்றும் மக்கள்தொகைத் தகவல்களின் அடிப்படையில் ஒதுக்கப்படும் 12 இலக்க தனித்துவ அடையாள எண் ஆகும்.
இந்த அமைப்பு நகல் மற்றும் போலி அடையாளங்களைத் தடுக்க உதவுகிறது. மேலும், ஒவ்வொரு நபருக்கும் அவர்களின் பயோமெட்ரிக்ஸுடன் இணைக்கப்பட்ட தனிப்பட்ட எண் இருப்பதை உறுதி செய்கிறது.
யுஐடிஏஐ அனைத்து ஆதார் வைத்திருப்பவர்களையும், கடந்த 10 ஆண்டுகளில் புதுப்பிக்கப்படாமல் இருந்தால், அவர்களின் தகவல்களைப் புதுப்பிக்கும்படி அறிவித்துள்ளது. இது சிறந்த சேவை வழங்கல் மற்றும் துல்லியமான அங்கீகாரத்தை உறுதி செய்கிறது.
ஆதார் விவரங்களை புதுப்பிப்பது எப்படி?
ஆன்லைனில் ஆதார் விவரங்களைப் புதுப்பிக்க, மைஆதார் (myAadhaar) போர்ட்டலுக்குச் சென்று, ஆதார் எண் மற்றும் ஓடிபி மூலம் உள்நுழைந்து, விவரங்களைச் சரிபார்த்து, தேவையான ஆவணங்களைப் பதிவேற்றம் செய்ய வேண்டும்.
அடையாளம் மற்றும் முகவரி இரண்டின் சான்று (ரேஷன் கார்டு, வாக்காளர் அடையாள அட்டை, அரசு வழங்கிய அடையாள அட்டை/முகவரியுடன் கூடிய சான்றிதழ், இந்திய பாஸ்போர்ட்)
அடையாளச் சான்று மட்டும் (பான் கார்டு, ஓட்டுநர் உரிமம், பள்ளி மதிப்பெண் பட்டியல்/ புகைப்படத்துடன் வெளியேறும் சான்றிதழ், அரசு வழங்கிய அடையாள அட்டை/சான்றிதழ்)
முகவரிக்கான சான்று மட்டும் (சமீபத்திய மின்சாரம்/தண்ணீர்/எரிவாயு பில், வங்கி/அஞ்சல் அலுவலக பாஸ்புக், வாடகை/குத்தகை ஒப்பந்தம்).
ஆதாரை ஆஃப்லைனில் புதுப்பிக்க, புவன் ( Bhuvan) போர்ட்டலைப் பார்வையிட்டு, அருகிலுள்ள ஆதார் மையங்களைக் கண்டறியவும், பின்கோடு மூலம் தேடவும்.
கூடுதல் கட்டணத்தைத் தவிர்க்க, காலக்கெடுவிற்கு முன் ஆதார் விவரங்களைப் புதுப்பிப்பதை உறுதிபடுத்திக் கொள்ளுங்கள். இது உங்கள் தற்போதைய தகவல் மற்றும் அடையாளம் துல்லியமாக அங்கீகரிக்கப்படுவதை உறுதி செய்யும்.